उत्कृष्ट उपक्रम! अकोला मनपाच्या ‘एक पेड माँ के नाम’ मोहिमेत महिलांचा सक्रिय सहभाग; वृक्ष लागवडीपूर्वी शिवर परिसराची क्षेत्रभेट
🟢 "एक पेड माँ के नाम": अकोल्यात महिलांसोबत वृक्ष लागवडीसाठी विशेष क्षेत्रभेट!
🔴 शिवर तलाव परिसरात महिलांचा उत्स्फूर्त सहभाग, मनपाचं स्तुत्य पाऊल
अकोला | 23 मे 2025 – अकोला महानगरपालिकेच्यावतीने "एक पेड माँ के नाम" उपक्रमाअंतर्गत आज शिवर तलाव परिसरात वृक्ष लागवडीपूर्वीची विशेष क्षेत्रभेट घेण्यात आली. या मोहिमेचा उद्देश महिलांच्या सहभागातून पर्यावरण रक्षण करणे हा असून, पहिल्याच टप्प्यात महिलांचा उत्स्फूर्त प्रतिसाद मिळाला.
🟩 काय घडलं आज?
मनपा आयुक्त तथा प्रशासक डॉ. सुनिल लहाने यांच्या आदेशानुसार, अमृत व डे एनयूएलएम विभागाच्यावतीने 40 महिला बचत गट सदस्य व 10 अधिकारी/कर्मचाऱ्यांनी एकत्रितपणे शिवार तलाव परिसरात वृक्ष लागवडीसाठी जागेची पाहणी केली.
👜 महिलांसाठी खास गिफ्ट्स
कार्यक्रमादरम्यान सहभागी महिलांना कापडी बॅग, थंड पाण्याची बॉटल, नोटपॅड व पेन अशा आकर्षक भेटवस्तू शहर अभियंता यांच्या हस्ते देण्यात आल्या.
👩💼 उपस्थित मान्यवर:
शहर अभियंता नीला वंजारी, अमृतचे कार्यकारी अभियंता अमोल डोईफोडे, डे एनयूएलएमचे नोडल अधिकारी संजय राजनकर, पर्यावरण प्रमुख अनिल बिडवे, शहर व्यवस्थापक प्रमोद गायकवाड, पाणी पुरवठा उपअभियंता नरेश बावणे आदी मान्यवर उपस्थित होते.
🌳 महिलांचा पुढाकार, पर्यावरणाचा सन्मान!
या उपक्रमामुळे महिलांमध्ये पर्यावरणाबाबत जागरूकता वाढवण्यास मदत होणार असून, वृक्षारोपण हे आता केवळ सरकारी काम न राहता एक सामूहिक सामाजिक जबाबदारी बनणार आहे.
